Türkiyə donanması üçün inşa edilən döyüş dəstəyi gəmisi suya endiriləcək

25-10-2021, 20:38

Türkiyə Hərbi Dəniz Qüvvələrinin ehtiyaclarına uyğun olaraq “Dənizdə Döyüş Dəstəyi Gəmi Layihəsi” (DIMDEG) çərçivəsində inşa edilən gəmi suya salınacaq.

Ordum.az xəbər verir ki, 5 il ərzində istifadəyə veriləcək 5 böyük layihə ilə donanmanı çox güclü mövqeyə gətirəcəklərini ifadə edən Türkiyə Prezidenti Rəcəb Tayyib Ərdoğan 2024-cü ildə dəniz təchizat və döyüş dəstək gəmisinin Türkiyə Hərbi Dəniz Qüvvələrinə təhvil veriləcəyini açıqlayıb.

DIMDEG layihəsi dənizlərdə həyata keçiriləcək əməliyyatlarda milli və beynəlxalq işçi qüvvələrini dəstəkləmək üçün başladılıb. DIMDEG-in əsas vəzifəsi İnzibati və Logistika fəaliyyətləri daxilində Döyüş Xidməti Dəstəyidir. Amfibiya Əməliyyatları və Maddi Nəqliyyat missiyası funksiyası ilə Barışa Dəstək və Təbii Fəlakətlərə Yardım Əməliyyatlarına da qatqı təmin edəcək.

DİMDEG-in dizaynı Türkiyə Dəniz Qüvvələri Komandanlığı tərəfindən tamamlanıb. Gəminin 2023-cü ildə istismara verilməsi planlaşdırılırdı, lakin son rəsmi açıqlama onun 2024-cü ildə təhvil veriləcəyini göstərir.

Gəminin 194 metr uzunluğunda və 22 min ton ağırlığında olcağı bildirilir.

Layihə çərçivəsində ABŞ-da yerləşən “General Electric” şirkəti ilə müqavilə imzalanıb. “General Electric Marine” Sefine Gəmiqayırma Zavodunun inşaat işlərini davam etdirdiyi DIMDEG üçün 2 LM-2500 qaz turbini təmin edir.

Facebook'da Paylaş