Britaniya donanması 10-dan artıq hərbi gəmisini satışa çıxarıb

24-09-2021, 19:53

Böyük Britaniya Müdafiə Nazirliyi Hərbi Dəniz Qüvvələrinin arsenalında olan freqatlar, mina əleyhinə gəmiləri, sürətli katerləri, hoverkraftları və köməkçi gəmiləri satışa çıxarıb.

Ordum.az xəbər verir ki, bu ayın əvvəlində Müdafiə Nazirliyinin Müdafiə Avadanlıqları Satış İdarəsi tərəfindən nəşr olunan broşürda məlumat yayılıb.

Məlumata görə, satışa 10-dan çox gəmi çıxarılıb.

Satışa çıxarılan gəmilər arasında 2025-ci ilin sonuna qədər yeni nəsil avtonom sistemlərinin xidmətə girməyə başlaması ilə istismardan çıxarılan “RN Sandown” sinif mina əleyhinə gəmilər var.

İstismardan çıxarılan “HMS Blyth” və “HMS Ramsey” gəmiləri “Babcock” şirkəti tərəfindən yenidənqurmalardan sonra Ukrayna Hərbi Dəniz Qüvvələrinə təhvil veriləcək.

Facebook'da Paylaş