Türkiyə “Aksungur” PUA-larını silahlanmaya qəbul edib

Türkiyə ordusu ölkənin TUSAŞ şirkəti tərəfindən istehsal edilən “Aksungur” zərbə PUA-larını silahlanmaya qəbul edib.

Ordum.az xəbər verir ki, bu barədə Türkiyənin Müdafiə Sənayesi Komitəsinin sədri İsmayıl Dəmir məlumat verib.

PUA-lar ölkənin Hərbi Dəniz Qüvvələri Komandanlığı tərəfindən istifadə ediləcək.

TUSAŞ tərəfindən indiyə qədər iki “Aksungur” prototipi istehsal edilib. Onlardan biri hazırda Adanada Meşəçilik Baş İdarəsi tərəfindən istifadə edilir. PUA-ların kütləvi istehsalına başlayan şirkət ilin sonunda dörd PUA istehsalını tamamlayacaq.

---

Facebook'da Paylaş                                                                           

---

---