Yaponiyanın XİN rəhbəri Entoni Blinkenlə KXDR-in raket buraxılışlarını pisləyib

4-11-2022, 10:00

Yaponiyanın xarici işlər naziri Yosimasa Xayasi və ABŞ-ın dövlət katibi Entoni Blinken Şimali Koreyanın raket buraxılışlarını pisləyib və Yaponiya-ABŞ ittifaqının mühafizə qabiliyyətini gücləndirmək barədə razılığa gəliblər.

Ordum.az TASS-a istinadən xəbər verir ki, bu barədə cümə günü Yaponiyanın Xarici İşlər Nazirliyi “Böyük yeddilik” ölkələrinin xarici işlər nazirlərinin Almaniyanın Myunster şəhərində keçirilən görüşü çərçivəsində apardıqları qısa söhbətdən sonra məlumat yayıb.

Onların fikrincə, Şimali Koreyanın görünməmiş tezliyə və görünməmiş şəkildə təxribatçı hərəkətləri regional təhlükəsizliyə ciddi təhlükə yaradır. Bu baxımdan, Xayasi və Blinken “Yaponiya-Amerika ittifaqının möhkəmlənməsi və reaksiya imkanlarının gücləndirilməsi"nin vacibliyini vurğulayıblar, həmçinin Cənubi Koreya ilə həm ikitərəfli, həm də üçtərəfli şəkildə yaxından işləmək barədə razılığa gəliblər. Yaponiya Xarici İşlər Nazirliyinin xəbərində danışıqların digər mövzuları açıqlanmır.

Bundan əlavə, Xayasi Myunsterdə Kanadanın xarici işlər naziri Melani Coli ilə də danışıqlar aparıb, onunla KXDR ilə yanaşı, ikitərəfli əməkdaşlıq, Trans-Sakit Okean Tərəfdaşlığı üzrə Hərtərəfli və Mütərəqqi Sazişin perspektivləri, Ukrayna və Çin müzakirə edilib.

Facebook'da Paylaş