Bənzər yazılar
QHT-lərə Dövlət Dəstəyi Agentliyinin Müşahidə Şurasının sədri qazilərlə görüşüb
3-11-2021, 16:07
Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının sədri Azay Quliyev Vətən müharibəsində göstərdikləri qəhrəmanlığa görə Müzəffər Ali Baş Komandan İlham Əliyev tərəfindən orden və medallarla təltif olunan bir qrup qazilərlə görüşüb.
Bu barədə Ordum.az-a agentlikdən məlumat verilib.
O, qaziləri salamlayaraq 44 günlük Vətən müharibəsi zamanı zəfərə gedən yolda göstərdikləri şücaətlərə görə onlara minnətdarlığını bildirib. A.Quliyev qazilərə hədiyyələr təqdim edib.
Sonra Vətən Müharibəsi Qəhrəmanı Azər Abdullazadə, rayon və şəhərlərimizin azad olunmasında xüsusi igidlik və mərdlik nümayiş etdirdiklərinə görə müxtəlif medallarla təltif edilən Cavid Həsənov, Rəcəb Novruzov, Xankişi Yusifov və Çingiz Qədimov onlara göstərilən diqqətə görə agentliyin rəhbərliyinə təşəkkür ediblər.
Görüşdə agentliyin Müşahidə Şurasının sədr müavini Vüsal Quliyev və agentliyin icraçı direktorunun vəzifələrini müvəqqəti icra edən Emil Çaparlı iştirak ediblər
Facebook'da Paylaş
