Bənzər yazılar
QHT-nin 30 illiyi qeyd edilib
6-04-2022, 20:42
QHT-nin 30 illiyi qeyd edilib
Sumqayıt Regional Mədəniyyət İdarəsinin Qubadlı Rayon Mərkəzi Kitabxanasında (MKS) “Zəngəzur” Cəmiyyətləri İctimai Birliyinin yaradılmasının 30 illiyinə həsr olunmuş dəyirmi masa keçirilib.
Tədbirdə çıxış edən Mərkəzi Kitabxana Sisteminin direktoru Müşgünaz Muradova, Mədəniyyət işçiləri həmkarlar ittifaqı Qubadlı rayon təşkilatının sədri Yaqub Vəliyev və başqalarının çıxışlarında ölkəmizdə qeyri-hökumət təşkilatlarının fəaliyyətinə yaradılan münbit şəraitdən bəhs edilib, ölkəmizin ilk QHT-dən olan İctimai Birliyin qurucusu və ilk sədri Kamran Hüseynovun xatirəsi anılıb.
Qeyd olunub ki, son illər Birlik Azərbaycan, Çexiya və Türkiyədə 11 layihə icra edib, Fəxri fərmanlara layiq görülüb, 15 adda kitab buraxdırıb. 2013-cü ildən Birliyin zengezur.com saytı fəaliyyətdədir. Birliyin Sisian, Gorus, Qafan, Meğri, Laçın, Zəngilan, Qubadlı, Kəlbəcər, Cəbrayıl rayon və Türkiyə nümayəndəliyi var. Birlik hazırda icra etdiyi “Şərqi Zəngəzura qayıdışa mənəvi dəstək” layihəsi çərçivəsində 3 adda - “Şərqi Zəngəzur”, ”Qardaşlığın zəfəri” və “Şəhidlər” kitablarını nəşr edib respublikamızın təhsil, mədəniyyət obyektlərinə, kitabxanalara, yerli icra strukturlarına, QHT və KİV-ə paylayıb.
Sonda İctimai Birliyin nəşr etdirdiyi və MKS-a hədiyyə edilən kitabların sərgisi və təqdimatı olub.
Facebook'da Paylaş
