Aygün Attar: "Zəngəzur dəhlizinin açılması vacib məsələdir"

4-10-2021, 10:50

“Azərbaycan Prezidentinin açıqlamaları ilə biz 44 günlük müharibənin gerçək tərəfini təhlil edən dövlət rəhbərini dinləmiş olduq. Azərbaycan Qarabağ məsələsini həll etdi”.

Ordum.az xəbər verir ki, bu sözləri Türkiyə Prezident Administrasiyasının Xarici Siyasət və Təhlükəsizlik Komitəsinin üzvü, Türkiyə-Azərbaycan Dostluq, Əməkdaşlıq və Həmrəylik Vəqfinin sədri Aygün Attar “Qars Müqaviləsinin 100-cü ildönümündə Cənubi Qafqazda geosiyasi vəziyyət” adlı konfransda çıxışı zamanı deyib.

“Azərbaycan lideri bununla kifayətlənmədi və Türkiyə Prezidenti Rəcəb Tayyib Ərdoğanın 3+3 platforması layihəsini dəstəklədiyini söylədi. Eyni zamanda bundan sonra Cənubi Qafqazda sülh və sabitliyi təmin edən diplomatik addımlar atmağa hazır olduğunu söylədi", - A.Attar deyib.

A.Attar xatırladıb ki, Azərbaycan və Türkiyə dövlət başçıları “Şuşa Bəyannaməsi”ni Qars anlaşmasının verdiyi imkanlarla imzaladıqlarını deyiblər: "Çünki 1921-ci ilin dekabrın 13-də imzalanan sənədlə Ermənistan qonşularına qarşı torpaq iddialarından əl çəkdiyini bildirmişdi".

O həmçinin vurğulayıb ki, Zəngəzur dəhlizinin açılması vacib məsələdir: "Mustafa Kamal Atatürk 1921-ci ildə Naxçıvanla Azərbaycanın quru yolla əlaqəsinin olmasının əhəmiyyətindən danışmışdı. İqtisadi-siyasi cəhətdən Zəngəzur dəhlizinin açılması vacib məsələdir. Azərbaycan öz qətiyyətli mövqeyini ortaya qoyub. Qars anlaşması Azərbaycan, Türkiyə, Rusiya, Gürcüstan siyasətçilərinin dediyi müasir beynəlxalq hüquqa cavab verir”.

Facebook'da Paylaş