Hulusi Akar NATO müdafiə nazirlərini Cənubi Qafqazdakı vəziyyətlə bağlı məlumatlandırıb

18-02-2022, 12:46

“Azərbaycan, Liviya kimi dost və qardaş ölkələrdə dostlarımızın, qardaşlarımızın haqlı mübarizələrini əlimizdən gəldiyi qədər dəstəkləməyə çalışırıq”.

Ordum.az “TRT Haber”ə istinadən xəbər verir ki, bunu Türkiyənin milli müdafiə naziri Hulusi Akar NATO müdafiə nazirlərinin iclasından sonra jurnalistlərə açıqlamasında deyib.

“Regionumuz gərgin dövrdən keçir. Belə bir vaxtda NATO müdafiə nazirlərinin iki günlük iclası baş tutdu. Toplantıda başda Ukrayna məsələsi olmaqla Alyansın gündəmində olan regional və qlobal məsələlər müzakirə olundu”, - nazir vurğulayıb.

H.Akar bildirib ki, NATO müdafiə nazirlərinin iclasında Cənubi Qafqazda baş verən proseslərdən danışıb və son vəziyyəti toplantı iştirakçılarının diqqətinə çatdırıb.

O, iclasda həmçinin İŞİD, əl-Qaidə, FETÖ, PKK/YPG kimi terror təşkilatlarına qarşı mübarizədən də danışıb. Nazir deyib ki, Türkiyə bu sahədə müttəfiqlərdən daha çox əməkdaşlıq təşəbbüsləri gözləyir.

Facebook'da Paylaş