İran və Rusiya XİN başçıları nüvə proqramını müzakirə edib

13-12-2021, 19:39

Rusiya xarici işlər naziri Sergey Lavrov və iranlı həmkarı Hüseyn Əmir Abdullahian arasında telefon danışığı olub.

Ordum.az-ın verdiyi məlumata görə, İran tərəfinin təşəbbüsü ilə baş tutan telefon danışığı zamanı nazirlər Vyana danışıqlarının bərpası kontekstində İranın nüvə proqramı üzrə Birgə Hərtərəfli Fəaliyyət Planı ətrafındakı vəziyyəti müzakirə ediblər.

"Əsas diqqət noyabrın 29-da Vyanada bərpa olunmuş danışıqlar prosesi kontekstində İranın nüvə proqramı üzrə Birgə Hərtərəfli Fəaliyyət Planı ətrafında mövcud vəziyyətə yönəldilib. Tərəflər nüvə sazişinin bərpasına qarşılıqlı sadiqliklərini bir daha təsdiqləyiblər”, - deyə Rusiya XİN-in məlumatında bildirilib.

Lavrov və Abdullahian ikitərəfli və regional gündəlikdə duran bir sıra aktual məsələləri də müzakirə ediblər.

Facebook'da Paylaş