BMT ABŞ-ın Suriyada mülki şəxslərin həyatına son qoyan aviazərbələrini şərh edib

15-11-2021, 09:02

Mülki əhalinin ölümü ilə nəticələnən hərəkətlərə görə məsuliyyət başlamalıdır.

Ordum.az-ın “RİA Novosti”yə istinadən məlumatna görə, bunu BMT baş katibinin rəsmi nümayəndəsinin müavini Farhan Hak ABŞ-ın Suriyaya hava zərbələri endirməsi ilə bağlı “New York Times” nəşrinin xəbərinə münasibət bildirərkən deyib.

Qəzet bildirib ki, hava zərbələri onlarla mülki vətəndaşın həyatına son qoyub.

"Biz... mülki şəxslərin ölümünə səbəb olan bütün hərəkətlərə görə məsuliyyətin vacibliyini vurğulayardıq", - Hak deyib.

“New York Times” ABŞ ordusunun 2019-cu ilin martında Suriyada onlarla mülki şəxsin ölümünə səbəb olan hava hücumlarına susduğunu və bu insidentlə bağlı hərtərəfli araşdırma aparılmadığını yazıb.

Qəzet yazıb ki, Bağuz bölgəsindəki hücum İD-ə qarşı bütün döyüş əməliyyatları zamanı mülki itkilərin sayına görə ən böyük zərbələrdən biri olub, lakin ABŞ ordusu bunu heç vaxt rəsmən elan etməyib. Eyni zamanda, qəzet müəyyən edib ki, ilkin hesablama qısa zamanda 70-ə yaxın ölü olduğunu göstərib.

Qəzetin yazdığına görə, söhbət 2019-cu il martın 18-də Suriyanın Bağuz bölgəsinə endirilən zərbələrdən gedir. Qəzetin yazdığına görə, əvvəlcə Amerikanın F-15E hücum təyyarəsi Bağuz bölgəsindəki izdihamın üzərinə 500 kiloluq bomba atıb, sonra iki min funtluq, daha sonra isə bir başqa bomba atılıb. Adı açıqlanmayan ABŞ əsgəri nəşrə etiraf edib ki, ABŞ Hərbi Hava Qüvvələrinin Qətərdəki Əl-Udeyd bazasındakı müştərək hava əməliyyatları mərkəzində onlar baş verənləri “heyrətli inamsızlıqla” izləyiblər, pilotsuz təyyarə zərbələri canlı lentə alıb.

Facebook'da Paylaş