STMK: “Seçki məntəqələrində qanunverciliyin tələblərinə riayət olunur”

“Sivil Toplum” Monitorinq Koalisiyası 07 fevral tarixində keçirilən Azərbaycan Respublikasının Prezidentinin növbədənkənar seçki prosesi ilə bağlı növbəti açıqlama yayıb.
Koalisiyanın müşahidəçilərindən alınan rəylərə görə seçici fəallığı davam edir. Seçki məntəqələrində qanunverciliyin tələblərinə riayət olunur, operativlik qorunur. Seçiçilərin səsvermə hüququndan istifadə etmələri üçün tam şərait yaradılıb. Rəsmi məlumatlara görə saat 15 00-a kimi seçicilərin 60,54 faizi səsvermə hüququndan istifadə edib. Bəzi texniki qüsular olsa da seçki prosesi sakit keçirilir. Ümumi olaraq seçkidə ciddi nöqsan hələ ki, qeydə alınmayıb.
Xatırladaq ki, Koalisiyasının 613 müşahidəçisi respublika ərazində 60-dan çox seçki dairəsində seçkiləri müşahidə edir.