Lena Nazaryan Qarabağda revanşa çağıranları pislədi

“Kimin 18 yaşlı oğlunun hesabına bunu edəcəklər?” - Lena Nazaryan Qarabağda revanşa çağıranları pislədi
Parlamentin vitse-spikeri Dağlıq Qarabağ ərazilərinin hərbi yolla qaytarılması ideyalarını geriləmə və zərərli hesab edir.
Azərbaycanın nəzarətində olan Dağlıq Qarabağın əraziləri siyasi yollarla geri qaytarıla bilər.
Ermənistan parlamentinin vitse-spikeri Lena Nazaryan bu barədə Sputnik Ermənistan-a verdiyi müsahibədə belə sərsəmləyib.
“Bu gün bir çox mütəxəssislər və ekspertlər, bir neçə il davam edən dinc həyatdan sonra güclənəcəyimizi, silahlanacağımızı və sonra qələbə payımızı əldə edəcəyimizi deyir. Bağışlayın, bu düşüncəni regresiv və zərərli hesab edirəm. Və mənə bunu kimin 18 yaşlı oğullarının hesabına edəcəyinizi barmaqla göstərməyinizi istəyirəm", - deyə sədr müavini Lena Nazaryan bildirib.
Ermənistanın bütün qonşuları ilə "uzunmüddətli və ya hətta qalıcı sülh" qurmasına çalışmalıyıq.
"Nəticədə region insan sifətinə malik olmalıdır",- deyə Nazaryan əlavə edib.
Bunun Azərbaycanın azad etdiyi Qarabağ ərazilərini hərbi yolla geri qaytarmaq fikrindən imtina etməyin lazım olub-olmadığını soruşduqda, o belə cavab verib: "Müharibə yolu ilə istəmirəm".
“Bunu siyasi proseslər yolu ilə etmək istəyirəm. Siyasətə inanıram, mən siyasətçiyəm ”,- deyə Nazaryan vurğulayıb.
Bu qədər insanın həyatına son qoyan müharibədən qaçmaq mümkün olub-olmadığına gəldikdə isə vitse-spikerin fikrincə, cəmiyyət son 30 ildə aparılan danışıqları, siyasi prosesləri araşdırmalıdır.
“Harada və hansı səhvlərin edildiyini anlamalıyıq, dərs almalıyıq. Əgər müharibə olubsa, bəli - siyasət də, siyasətçilər də uduzub. Müharibə olmamalı idi, müasir sivil dünyadakı bütün məsələlər sülh yolu ilə, danışıqlar yolu ilə həll edilməlidir ”, deyə o bildirib.
Vitse-spiker, eyni zamanda müxalifətin ölkənin məğlub liderinin danışıqlar apara bilməyəcəyi iddialarına da münasibət bildirib. Onun fikrincə, Nikol Paşinyan işin real vəziyyətini ən yaxşı şəkildə təmsil edir, “yerdə dayanır” və buludların arasında uçmur. Qalib mövqedə olmaq üçün hansı imkanların olduğunu da yaxşı bilir.