Pentaqon ABŞ-ın eyni vaxtda Rusiya və Çinə qarşı durmağa hazır olduğunu bildirib

4-10-2022, 09:30

Amerika Birləşmiş Ştatları eyni vaxtda Rusiya və Çinə qarşı çıxmaq və bu iki ölkə arasında taktiki koordinasiyanı düzəltmək əzmindədir.

Ordum.az-ın məlumatına görə, bunu ABŞ müdafiə nazirinin beynəlxalq təhlükəsizlik məsələləri üzrə köməkçisi Selest Uollander Vaşinqtonda Strateji və Beynəlxalq Araşdırmalar Mərkəzində çıxışı zamanı deyib.

“Reallıq budur ki, qlobal təhlükəsizlik mühitinə əsaslanaraq, ABŞ və dünya üzrə müttəfiqlərimiz və tərəfdaşlarımız həm yüksələn, həm də təhlükəli Çinə, həm də zəifləyən və təhlükəli Rusiyaya qarşı mübarizə aparırlar. Beləliklə, Birləşmiş Ştatların hər iki çağırışla üzləşməkdən başqa yolu yoxdur”-deyə, o bildirib.

Onun fikrincə, Moskva ilə Pekin öz hərəkətlərini taktiki və strateji baxımdan əlaqələndirirlər. Belə ki, onların bir çox maraqları üst-üstə düşür.

Facebook'da Paylaş