NATO-nun Rumıniyadakı döyüş qrupu noyabrda tam heyətlə təmin olunacaq

15-07-2022, 08:35

Fransanın koordinasiya etdiyi Rumıniyadakı NATO döyüş qrupunun əsas vəzifəsi çəkindirməni təmin etməkdir.

Ordum.az xəbər verir ki, bunu “Agerpres”ə döyüş qrupunun komandiri, polkovnik Kristof Deqan bildirib.

Onun sözlərinə görə, təxminən 1 000 hərbçinin yerləşəcəyi Çinkudakı NATO döyüş qrupu bazasının tikintisi qışa qədər başa çatdırılmalıdır və iş qrafikə uyğun olaraq davam edir.

Nəşr bildirib ki, Rumıniyada təxminən 750 fransız əsgəri var. Onlar üç dəstəyə bölünüblər ki, onlardan ən böyüyü NATO-nun Çinkudakı döyüş qrupudur. Hələlik ona daxil olan hərbçilərin bir hissəsi Çinkuda, digəri isə Mixail Koqalniçeanu aviabazasındadır.

Mamba orta mənzilli hava hücumundan müdafiə sisteminə malik ikinci dəstə Kapu Midiyada (Konstanta qraflığı) yerləşdirilib və NATO komandanlığı altında 100-ə yaxın hərbi personala malikdir. Bu ordu Çinkuda NATO-nun döyüş qrupu üçün baza tikir. Bu ilin noyabr ayında işlərin yekunlaşacağı və döyüş qrupunun tam heyətlə təmin olunacağı gözlənilir.

Facebook'da Paylaş