Tovuz döyüşlərinin baş verdiyi postlarda durum necədir?

12-07-2022, 13:35

Tovuz döyüşlərinin ikinci ildönümü ilə əlaqədar Müdafiə Nazirliyinin Tovuz rayonunda yerləşən "N" saylı hərbi hissəsinə mediatur təşkil olunub.

Ordum.az-ın məlumatına görə, mediatur çərçivəsində hərbi hissədə yaradılmış şəraitlə tanış olunub, əsgər və zabitlərin günlük xidmət prosesi izlənilib.

KİV nümayəndələrinə bildirilib ki, hərbi hissədə yeməklər xüsusi aşbazlar tərəfindən hazırlanır, yataq dəstləri, paltarların yuyulması üçün isə camaşırxana fəaliyyət göstərir.

Qeyd edilib ki, hərbi hissədə təsərrüfat işlərində mülki işçilər çalışır.

Daha sonra mediatur iştirakçıları "N" saylı hərbi hissənin topçularının gündəlik təlim prosesi ilə tanış olub.

Sonda isə hərbi hissənin müxtəlif yüksəklikdə yerləşən postlarına baş çəkilib, orada yaradılmış şərait barədə jurnalistlərə məlumat verilib.

Facebook'da Paylaş