Tatarıstanda diasporumuza ağır itki üz verib

31-05-2024, 13:01

Uzun müddət Tatarıstanın Naberejnıye Çelnı şəhərində yaşayan İsfəndiyar Əhmədov mayın 29-da qəfldən vəfat edib. O, mayın 30-da Azərbaycanda dəfn olunub.

İsfəndiyar Əhmədovun ölümü şəhərin tikinti sənayesi üçün ciddi zərbə olub. Onun şirkəti layihə sənədlərinin aparıcı tərtibatçılarından biri hesab olunurdu. Əhmədovun yeganə təsisçisi olduğu “Kamstroyinvest” Tacikistan Respublikasının Dövlət Administrasiyasının sifarişlərini yerinə yetirib. Sonuncular arasında Razvitie sənaye parkı, şəhərin ictimai yerləri və bələdiyyə müəssisələri üçün sənədlərin hazırlanması daxildir. Əhmədov həmçinin “Titan” özəl mühafizə şirkəti və “Bakı həyatı” restoranının sahibi olub.

Əhmədov Azərbaycan icmasının önündə dayanıb və 10 il “Xarı-Bülbül” Azərbaycan milli-mədəni muxtariyyətinə rəhbərlik edib.

Naberejnıye Çelnı şəhərinin aidiyyəti rəsmi qurumları tərəfindən İsfəndiyar Əhmədovun vəfatı ilə başsağlığı verilib.

Xatırladaq ki, İsfəndiyar Əhmədovun ölümünü Tatarıstanda yaşayan soydaşlarımız da dərin hüznlə qarşılayıblar. Onun vəfatı ilə bağlı Tatarıstan Respublikasının Leninoqorsk şəhəri və Leninoqorsk vilayətində “Birlik” Azərbaycan Milli-Mədəni Muxtariyyəti ictimai təşkilatının sədri Ramiz Məmmədov soydaşlarımız və şəxsən öz adında başsağlığı verib. “Vətənpərvər dostumuz İsfəndiyar Əhmədovun ölümü ilə bağlı dərindən kəndərləndiyimizi bildirir, onun yaxınlarına, qohumlarına Tatarıstandakı soydaşlarımız olaraq başsağlığı veririk. Allahdan mərhuma Rəhmət diləyirik”, – deyə saytımıza göndərilən başsağlığında qeyd olunur.

Allah Rəhmət Etsin!

Facebook'da Paylaş