"Nikol sənədi imzaladı, Qarabağı Azərbaycanın tərkibində tanıdı".

Erməni analitik Karen Vartanesyan bildirib ki, Ermənistanın Baş naziri Nikol Paşinyan əlavə ərazilərin, o cümlədən Ermənistanın içərisində olan ərazilərin Azərbaycana verilməsi haqqında məxfi danışıqlar aparıb:
"Nikol sənədi imzaladı və bu sənəd faktiki olaraq Qarabağı Azərbaycanın tərkibində tanıdı. İndi Azərbaycan neftdən başqa böyük qızıl mədənləri sərvətinə də sahib olacaq. Üstəlik, Bakı kompensasiya tələbi ilə beynəlxalq məhkəməyə müraciət edir. Sizcə, bu halda Ermənistanın hansı şansı var? Heç bir!" - deyə o qeyd edib.
Vartanesyanın sözlərinə görə, yaxın zamanlarda Ermənistan cəmiyyəti daha bir sıra ərazilərin Azərbaycanın tərkibinə keçdiyini eşidəcək.