“Qırmızı Xaç”dan AÇIQLAMA

“Qırmızı Xaç” əsirlərin və meyitlərin dəyişdirilməsi ilə bağlı açıqlama yayıb. Açıqlamada qeyd olunur ki, Ermənistanla Azərbaycan arasında meyit və əsirlərin mübadiləsi prosedurlarının başlanılması üçün ilk addım münaqişə tərəflərindən atılmalıdır.
Bu barədə Beynəlxalq Qırmızı Xaç Komitəsinin (BQXK) Azərbaycan nümayəndəliyinin İctimaiyyətlə əlaqələr şöbəsinin rəbəri İlahə Hüseynova bildirib.
İ.Hüseynovaq eyd edib ki, tərəflər razılığa gəldiyi halda, BQXK neytral vasitəçi olaraq, mübadiləni həyata keçirməyə hazırdır.
Xatırladaq ki, Azərbaycan Respublikasının Prezidenti, Ermənistan Respublikasının baş naziri və Rusiya Federasiyasının Prezidentinin imzaladığı birgə Bəyanatın 8-ci bəndinə görə, “hərbi əsirlər, girovlar və digər saxlanılan şəxslərin, habelə cəsədlərin mübadiləsi həyata keçirilməlidir”.