Binəli Yıldırım: "Türkiyə bundan sonra da Azərbaycanın yanında olacaq"

4-11-2021, 09:53

"Dörd gün sonra Qarabağ Zəfərini qeyd edəcəyik. 44 gün davam edən Vətən müharibəsi nəticəsində işğal altında olan Azərbaycan torpaqları azad edilib".

Ordum.az-ın xəbərinə görə, bunu Türkiyənin keçmiş Baş naziri Binəli Yıldırım deyib.

O bildirib ki, Türkiyə hər zaman qardaş Azərbaycanın yanında olub və bundan sonra da yanında olacaq.

"Azərbaycana - qardaş ölkəyə gəlmişik. Bir millət, iki dövlət olaraq qiymətləndirdiyimiz gözəl, can Azərbaycanda bu gün sayca 8-ci olan Qlobal Bakı Forumu keçirilir. Əvvəllər bu forumlardan birində iştirak etmişəm. Budəfəki forumda koronavirus pandemiyasından sonrakı dövrdə formalaşacaq yeni dünya düzənində regional və beynəlxalq məsələlərin inkişafı geniş müzakirə olunacaq. Bu gün dünyanın hər bir yerindən bu foruma gələnlər var. Forumun çox böyük əhəmiyyəti var və Azərbaycanı bu tədbirə ev sahibliyi etdiyinə görə təbrik edirəm", - o söyləyib

Facebook'da Paylaş