“Dövlət büdcəsi haqqında” qanuna dəyişiklik edilir

“Dövlət büdcəsi haqqında” və “Dövlət büdcəsinin icrası haqqında” qanunlara dəyişikliklər ediləcək.

Milli Məclisdən verilən məlumatına görə, qanunlara ediləcək dəyişikliklərdə aşağıdakı məsələlər öz əksini tapacaq. 

1. Dövlət resurslarının şəffaf idarə edilməsi və büdcə vəsaitinin effektiv bölüşdürülməsi prosesinin təmin olunması, bu məqsədlə yeni elektron mexanizmlərin tətbiqi;
2. Büdcə vəsaitinin alınmasına və xərclənməsinə dair məlumatın dərc edilməsi;
3. İllik hesabatların yoxlayıcı qurumların nümayəndələri, vətəndaş cəmiyyəti, o cümlədən beynəlxalq və müstəqil yerli ekspertlərin iştirakı ilə müzakirəsi;
4. Yerli və beynəlxalq mütəxəssislər tərəfindən audit yoxlamalarının keçirilməsi;

Qanunlara ediləcək dəyişikliklər Milli Məclisin payız sessiyasında müzakirə ediləcək.