Britaniya kəşfiyyatı: "Xerson vilayətində şiddətli döyüşlər gedib"

23-07-2022, 14:14

Son 48 saat ərzində Ukraynanın Xerson vilayətində şiddətli döyüşlər gedib.

Ordum.az “RBK-Ukrayna”ya istinadən xəbər verir ki, bu barədə Böyük Britaniyanın Müdafiə Nazirliyi məlumat yayıb.

Məlumatda qeyd edilir ki, Rusiya, güman ki, İnqulets çayının təbii maneəsi boyunca artilleriya atəşindən istifadə etməklə Ukraynanın irəliləyişini ləngitməyə çalışır.

“Eyni zamanda, Dneprdən qərbdə Rusiya qoşunları üçün təchizat xətləri getdikcə daha çox risk altına düşür. Ukraynanın endirdiyi zərbələr Rusiyanın müvəqqəti təmir işləri apardığı Antonovski körpüsünə əlavə ziyan vurub. İyulun 22-də körpü demək olar istifadəyə hazır vəziyyətə gətirilmişdi”, - məlumatda deyilir.

Britaniya kəşfiyyatı Ukrayna rəsmilərinin Rusiyanın Dnepr üzərində alternativ hərbi ponton körpüsü inşa etməyə hazırlaşdığına dair iddialarını dəqiqləşdirə bilməyib.

Facebook'da Paylaş