Ərdoğan Azərbaycandan təbii qazın həcminin artırılmasının səbəbini açıqlayıb

31-01-2022, 20:29

"Azərbaycandan aldığımız təbii qazın miqdarını artırdıq. Duz gölü və Silivridəki yeraltı qaz anbarlarını dövriyyəyə daxil etdik".

Ordum.az "Haber7"yə istinadən xəbər verir ki, bu fikirləri Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra jurnalistlərə açıqlamasında deyib.

O, bunu İrandan Türkiyəyə gələn təbii qaz boru kəmərində baş verən texniki nasazlıqla əlaqələndirib: "Bu baxımdan, İrandan idxal olunan "mavi yanacaq" azaldı. Texniki nasazlığın aradan qaldırılması işlərinin havalar isindikdən sonra görülməsi ilə bağlı İranla razılığa gəldik, təbii qazın tam həcmdə verilməsi bərpa edildi".

Facebook'da Paylaş