Bənzər yazılar
Blinken Quterreşlə telefonla Ukraynadakı vəziyyəti müzakirə edib
21-10-2022, 10:00
ABŞ dövlət katibi Entoni Blinken BMT-nin baş katibi Antoniu Quterreşlə Ukraynadakı vəziyyəti müzakirə edib.
Ordum.az xəbər verir ki, bu barədə ABŞ Dövlət Departamentinin mətbuat xidməti məlumat yayıb.
"(Onlar-red) BMT-nin (ölkələrin-red) suverenliyi və ərazi bütövlüyü ilə bağlı prinsiplərinin qorunmasının vacibliyini vurğulayıblar. Onlar həmçinin Ukrayna və Haitidə təcili təhlükəsizlik və humanitar böhranların həlli üçün BMT-nin fəaliyyətinin davam etdirilməsinin zəruriliyini müzakirə ediblər”, - məlumatda bildirilir.
Bundan əlavə, tərəflər Efiopiyadakı vəziyyətə də toxunublar.
“Dövlət katibi Blinken Birləşmiş Ştatların səhiyyə, iqlim, ərzaq təhlükəsizliyi sahələrində, o cümlədən dünyanın ən aktual kollektiv çağırışlarını həll etməyə hazır olmasını təmin etmək üçün BMT sisteminin gücləndirilməsi və modernləşdirilməsinə sadiqliyini təsdiqləyib”, - Dövlət Departamenti əlavə edib.
Facebook'da Paylaş
